ತುಮಖಾನೆ ಸುಧಾಕರ್ ಎಸ್‌. ಶೆಟ್ಟಿ

ನಾನು ತಮ್ಮೆಲ್ಲರ ಪ್ರೀತಿಯ ಸುಧಾಕರ ಎಸ್‌.ಶೆಟ್ಟಿ, ಶೃಂಗೇರಿ ಕ್ಷೇತ್ರದ ಕೊಪ್ಪ ತಾಲೂಕಿನ ಶಾನುವಳ್ಳಿ ಗ್ರಾಮದಲ್ಲಿನ ತುಮಖಾನೆ ನನ್ನ ಜನ್ಮ ಭೂಮಿ. ಶ್ರೀಯುತ ಸಂಜೀವ ಶೆಟ್ಟಿ ಹಾಗೂ ಶ್ರೀಮತಿ ಶಾರದಮ್ಮ ನನ್ನ ಹೆತ್ತವರು. ಜಮೀನುದಾರರ ಕುಟುಂಬದಲ್ಲಿ ಹುಟ್ಟಿದ್ದರೂ, ವಿಧಿನಿಯಮದಂತೆ ಬೆಂಗಳೂರಿನಲ್ಲಿ ಬಾಲ್ಯದಿಂದಲೇ ಹೋಟೆಲ್‌ ಕಾರ್ಮಿಕನಾಗಿ ದುಡಿಮೆ ಪ್ರಾರಂಭಿಸಿದೆ. ನನ್ನ ಹದಿನೆಂಟನೆಯ ವಯಸ್ಸಿನಲ್ಲೆ, (1976) ಸ್ವಂತ ಹೋಟೆಲ್‌ ಮಾಲೀಕನಾದ ನಾನು, ನಮ್ಮ ನಾಡಿನ ಸಾಂಸ್ಕೃತಿಕ ರಾಜಧಾನಿ ಮೈಸೂರನ್ನು ನನ್ನ ಕರ್ಮಭೂಮಿಯಾಗಿಸಿಕೊಂಡು, ರಾಜ್ಯ-ರಾಷ್ಟ್ರ ಮಟ್ಟದಲ್ಲಿ ಗುರುತಿಸಿಕೊಳ್ಳುವ ಹಲವು ಉದ್ಯಮಗಳನ್ನು ಸ್ಥಾಪಿಸಿ, ಯಶಸ್ವಿ ಉದ್ಯಮಿಯಾಗಿ ಬೆಳೆದು, ಈಗ ಜನಸೇವೆ ಮಾಡುವ ಮಹತ್ತರ ಉದ್ದೇಶವನ್ನಿರಿಸಿಕೊಂಡು ಪುನ: ನನ್ನ ಹೆತ್ತೂರಿಗೆ ಮರಳಿದ್ದೇನೆ.